هلمند ولایت کې د ودانیو له ساختماني چارو څارنه وشوه
۱۴۴۵/۱۱/۲۰
هلمند ولایت کې د کور او ښار جوړولو ریاست محترم رئیس مولوي سید نیک محمد وایي، په دغه ولایت کې یې د ودانیو له ساختماني چارو څارنه پیل کړې ده.
ښاغلی مولوي سید نیک محمد وایي، اوسمهال یې په یاد ولایت کې د کتلوي معافیت له یوې دوه پوړیزه ودانۍ څارنه وکړه، چې د ساختمان مالي لګښت یې د یونیسف ادارې له لوري ورکول کېږي.
نوموړی وایي، د کور او ښار جوړولو ریاست تخنيکي ټیم د یادی پروژې چارې له نږدې وڅارلې چې په وینا یې دمګړۍ یې د لومړي پوړ چت Curing او د دوهم پوړ د دېوالونو د خښتو لګولو چارې پیل دي.
د کور او ښار جوړولو وزارت په مرکز او ولایتونو کې د ساختماني پروژو له چارو څارنه کوي، تر څو په ودانیزو چارو کې معیار او کیفیت خوندي وي او چارې د پلان خلاف مخکې لاړې نه شي.
