هرات کې د دوه تعلیمي پروژو رغنیزې چارې دوام لري
ښارجوړولو او ځمکو وزارت د هرات په پشتون زرغون ولسوالۍ کې د بوریاباف افغاني ۱۰ صنفي ښوونځي رغنیزې چارې ۸۴ سلنه او د هرات په مرکز شپږمه ناحیه کې د فتح ۲۴ صنفي ښوونځي رغنیزې چارې ۷۵ سلنه بشپړې کړي دي.
د بوریاباف ۱۰ صنفي ښوونځی په ۷۸۵ متر مربع ځمکه کې په یو پوړ د ۱۴ میلیونه او ۷۰۰ زره افغانیو په ارزښت د پوهنې وزارت له بودیجې او د فتح ۲۴ صنفي ښوونځی په ۹۸۵ متر مربع ځمکه کې په درې پوړونو د ۲۷ میلیونه افغانیو په ارزښت د ښارجوړولو او ځمکو وزارت له پراختیايي بودیجې جوړیږي.
ښارجوړولو او ځمکو وزارت د هېواد په کچه د دولت ټولګټو، روغتیايي او تعلیمي پروژو له تطبیق سره خلکو ته د اساسي خدماتو رسولو کچه لوړه کړې او خلکو ته یې په بېلابېلو برخو کې لازمې اسانتیاوې برابرې کړي دي.
###
