نيمروز ولايت کې ۱۰ جريبه دولتي ځمکه استرداد شوه
ښار جوړولو او ځمکو وزارت د دولتي ځمکو د استرداد په لړ کې دا ځل په نيمروز ولايت کې ۱۰ جريبه دولتي ځمکه د غاصبينو له منګولو خلاصه کړه.
دا ټوټه ځمکه د زرنج ښار په حاجي مصطفی قريه کې له څو کلونو راهيسې د غاصبينو په ولکه کې وه چې اوس د ښار جوړولو او ځمکو وزارت په زيار ترې د موثرې او معقولې استفادې لپاره زمينه برابره شوه.
ښار جوړولو او ځمکو وزارت په ټول هېواد کې تر اوسه ۵۰۰ زره جريبه ځمکه د غاصبينو له منګولو خلاصه کړې او د موثرې استفادې لپاره يې چمتو کړې ده.
