میدان وردک ولایت کې ۱۱۸۸۶۷ جریبه دولتي ځمکه ثبت شوه
![میدان وردک](/sites/default/files/2020-07/122970945.jpg)
ښارجوړولو او ځمکو وزارت په هېواد کې د دولتي ځمکو د بانک برنامې لارې په میدان وردک ولایت کې ۱۱۸۸۶۷ جریبه دولتي ځمکه او د دولتي ادارو تر استفادې لاندې عامه ملکیتونه ثبت کړي دي.
له دې شمېر څخه ۱۱۳۱۲۷ جریبه سپینه دولتي او پاتې ۵۷۴۰ جریبه ځمکه د دولتي ادارو تر استفادې لاندې عامه ملکیتونه دي چې د دې ولایت په مرکز او ولسوالیو کې موقعیت لري.
ښار جوړولو او ځمکو وزارت تر اوسه په هېواد کې ۶ میلیونه جریبه دولتي ځمکه ثبت کړې او ژمن دی چې د دولتي ځمکو ثبت سره به؛ د ټولګټو پروژو تطبیق او عملي کولو ته زمینه مساعده کړي.
###