ميدان وردګ ولايت کې له ۵۰ جريبو څخه زياته دولتي ځمکه تصفيه شوه
ښار جوړولو او ځمکو وزارت په تازه ډول د ميدان وردګ ولايت په بهسودو ولسوالۍ کې ۵۹ جريبه دولتي ځمکه تصفيه کړه.
د يادې دولتي ځمکې د تصفيې هدف دا دی چې له بهسود ولسوالۍ څخه د باميان تر تنور دوراهي قريې پورې د سړک غاړې ديوال د جوړولو چارې چټکې شي.
ښار جوړولو او ځمکو وزارت تر اوسه په ټول هېواد کې د املاکي شخړو د حل، له دولتي ځمکو څخه د شخصي ځمکو د تفکيک او د ټولګټو پروژو د پلي کولو لړۍ چټکولو په موخه يو ميليون او ۲۰۰ زره جريبه دولتي او شخصي ځمکه تصفيه کړې ده.
