غزني کې د ښاري تخلفاتو د مخنیوي په موخه د درېیم پلان له سیمو لیدنه وشوه
![picture](/sites/default/files/2024-05/whatsapp_image_2024-05-28_at_11.38.20_am.jpeg)
۱۴۴۵/۱۱/۱۹
غزني کې د کور او ښار جوړولو ریاست محترم رئیس مولوي نور ولي بلال متقي وایي، د ریاست اړوند تخنیکي ټیم یې په دغه ولایت کې د ښاري تخلفاتو مخنیوي په موخه په درېیم پلان کې د ودانیو له رغنیزو چارو څارنه وکړه.
دغه راز، د پارکونو او ملکیتونو د ترمیم د څارنې په موخه له یادې پروژې لیدنه وشوه، چې ښاغلی مولوي بلال متقي وایي، یاده چاره یې د غزني ولایت د ښاروالۍ اړوند د تدارکاتو د عمومي مدیریت د وړاندیز او د ولایت محترم مقام د حکم پر اساس ترسره کړه.
نوموړی وایي، د لرغونو ښارونو د ساتنې عمومي مدیریت تخنیکي ټیم غړو، د غزني ښار په مرکز کې د موی مبارک (حضرت محمد وېښته مبارک) د زیارت او همدارنګه د یاد ښار په مرکز کې د سید احمد مکه ییء (رح) له زیارت لیدنه وکړه، چې په وینا یې د یادو زیارتونو ځینې برخې د اوبو له امله تخریب شوې دي.
د کور او ښار جوړولو وزارت موخه دا ده، چې څنګه کېدای شي د لرغونو ساحو او ښارونو د تخریب مخنیوی وشي او ټولې سیمې په خپل ارزښت پاتې شي.