غزني کې دوه تعلیمي پروژې د تطبیق په حال کې دي
ښارجوړولو او ځمکو وزارت د غزني ولایت په جاغوري ولسوالۍ کې د استاد شریف ۱۰ صنفي ښوونځي رغنیزې چارې ۸۰ سلنه او همداراز په دې ولسوالۍ کې د لومان لیسې ودانې رغنیزې چارې ۵۰ سلنه بشپړې کړې دي.
د استاد شریف ۱۰ صنفي ښوونځی په ۱۰۲۱ متر مربع ځمکه کې په یو پوړ د ۲۰ میلیونه افغانیو په ارزښت او د لومان لیسې ودانۍ په ۶۲۳ متر مربع ځمکه کې په یو پوړ د ۲۰ میلیونه او ۷۰۰ زره افغانیو په ارزښت د ښارجوړولو او ځمکو وزارت له پراختیايي بودیجې جوړیږي.
ښارجوړولو او ځمکو وزارت په هېواد کې د ټولګټو پروژو په تطبیق سره ژمن دی چې په ښارونو او لرې پرتو سیمو کې خلکو ته لازمې اسانتیاوې برابرې کړي.
###
