سرپل ولایت کې د ۶۰ متره سړک د حریم د جلا کولو چارې بشپړې شوې
۱۴۴۷/۷/۳
د سرپل ولایت د کور او ښار جوړولو ریاست محترم رئیس وایي، د دې ریاست اړوند تخنیکي ټیم د کاري بهیر د درېیمې ورځې په ترڅ کې د ۶۰ متره سړک د حریم د جلا کولو چارې، چې د استوګنیزو کورونو له حریم څخه د بېلتون په موخه پیل شوې وې، په پوره دقت، نظم او مسلکیت سره دوام ورکړ او یاد بهیر په بریالیتوب سره بشپړ شو.
د یادو ورځې په جریان کې د سړک د حریم وروستۍ تثبیت، د مسیر تخنیکي کنټرول او د مشخص شوو نقاطو هر اړخیزه بیاکتنه تر سره شوه، تر څو ډاډ ترلاسه شي چې چارې د ټاکل شوو معیارونو سره سم پر مخ روانې دي.
د ترسره شوو کارونو ټول پړاوونه د انجینري اصولو، ښاري معیارونو او منظور شوي پلان مطابق عملي شوي او ټاکل شوې دنده په ټاکلي وخت کې په منظم ډول بشپړه شوې ده.
