زابل ولایت کې په لسګونه جریبه ځمکه سروې شوه
۱۴۴۶/۰۶/۱۷
د کور او ښار جوړولو وزارت د سروې او جي ای، ایس ریاست محترم رئیس انجنیر قاري محمد یوسف لطیف وایي، د ریاست اړوند تخنیکي او مسلکي ټیم یې زابل ولایت کې (1040157.436) متر مربع ځمکه توپوګرافي سروې کړه.
ښاغلی انجنیر لطیف وایي، یاد ټیم یې دغه ځمکه د زابل ولایت په شاه جوی ولسوالۍ کې توپوګرافي سروې کړه.
نوموړی وایي، له دغې سروې موخه دا وه، چې د شاه جوی ولسوالۍ لپاره ستراتېژیک پلان جوړ شي، نو په همدې بنست یې دوی لومړی توپوګرافي سروې ترسره کړه.
د کور او ښار جوړولو وزارت د سروې او جي ای ایس ریاست کار کوونکي په ټولو ولایتونو کې د اړوندو ځمکو په سروې اخته دي او دوام لري.
