د ۴۷۷ تعلیمي او تحصلي پروژو د تطبیق چارې پیل شوې
د ښار جوړولو او ځمکو وزارت په تعليمي او تحصيلي سکتور کې د ۴۷۷ ساختماني پروژو د تطبيق چارې پيل کړي دي.
د ودانيزو پروژو د تطبيق په برخه کې تعليمي او تحصيلي سکتور ته د ښار جوړولو او ځمکو وزارت د ځانګړې پاملرنې په پايله کې دې وزارت د تېرو دريو کلونو پر مهال په ياد سکتور کې د ۴۷۷ ساختماني پروژو د تطبيق چارې پيل کړي دي.
له دې ډلې څخه ۳۹ ساختماني پروژې بشپړې او ګټې اخېستنې ته سپارل شوي، ۱۸۷ پروژې د پلي کېدو په حال کې دي، ۱۱۴ پروژې له ساختماني شرکتونو سره د قرارداد د عقد کولو په مرحله کې دي، ۴۰ پروژې د ډيزاين او ۳۷ پروژې د سروې په حال کې دي.
