د کونړ ولایت د نورګل، نرنګ او سرکاڼو ولسواليو سټراټيژیک پلانونه منظور شول
د ښار جوړولو او ځمکو وزير محترم محمود کرزي له کونړ والي ښاغلي محمد اقبال سعيد، د ښاري پلانونو د جوړولو پروژې امرې اغلې الهه غفوري، د کونړ ولایت د ښار جوړولو او ځمکو رئیس او د دې وزارت یو شمېر نورو چارواکیو په حضور کې د کونړ ولایت د نورګل، نرنګ او سرکاڼو ولسوالیو سټراټیژيک پلانونه منظور کړل.
په دې پلانونو کې استوګنیزې، زرغونې، ورزشي، فرهنګي، اداراي، سوداګریزې، صنعتي او تعلیمي سیمې او همداراز د موټرونو تمځای، د پولیسو، دیني او مذهبي فعالیتونو او روغتيايي خدماتو لپاره ځانګړې سیمې په پام کې نيول شوې دي.
په دې سټراټيژيک ښاري پراختيا پلان کې اقتصادي ودې، چاپېريال ساتنې ستونزو، ابو رسولو او فاضلاب تر څنګ د یادو ولسواليو ښاري اسانتياو ته پام شوی دی.
ښاري (SDP) پلانونه د راتلونکو پنځلسو کلنو پراختيا ته په کتو جوړ شوي او له جوړولو څخه یې موخه اقتصادي ځان بسیاینه، تلپاتې ودې او زرغون ښاري چاپېريال رامنځته کول دي.
