د کور او ښار جوړولو وزیر په مشرۍ ګډ پلاوي د ننګرهار ګمرک سیمې له وضعیت لیدنه وکړه
۱۴۴۷/۰۶/۰۶
د ا.ا.ا د ریاسة الوزرا محترم عالي مقام د حکم پر اساس، د کور او ښار جوړولو وزارت د محترم وزیر الحاج مولوي نجیب الله حیات حقاني په مشرۍ یو ګډ پلاوي د ننګرهار ولایت د ګمرک ساحې څخه لیدنه وکړه.
یاده سیمه د هېواد له مهمو سوداګریزو نقطو څخه ده چې ورځنۍ سوداګري، تګ راتګ او ګمرکي چارې په کې پرمخ روانې دي.
ګډ پلاوي د سیمې له وضعیت کره ارزونه وکړه، له ځایي خلکو، قومي مخورو او اړوندو خواوو سره یې خبرې وکړې او ډاډ څرګند شو چې موضوع به د عدالت، شفافیت او اسلامي اصولو پر بنسټ مدیریت کېږي.
د کور او ښار جوړولو وزیر الحاج مولوي نجیب الله حیات حقاني له خلکو سره په خبرو کې ټینګار وکړ چې د اسلامي امارت موخه د ستونزو منصفانه حل، هر اړخیز پرمختګ او د ګډو ټولنیزو ننګونو د له منځه وړلو لپاره دهمغږۍ هڅې دي.
نوموړي زیاته کړه، ګډ پلاوی به د سیمې د لیدنې راپور، د خلکو خبرې او تخنیکي موندنې د ریاسة الوزرا د محترم عالي مقام سره شریک کړي، او پرېکړې به د اسلامي قانون او ملي ګټو پر بنسټ ترسره شي.
