د کور او ښار جوړولو وزارت په انګړ کې د لوګو، چمن او ښکلا چارې د یو بهر مېشتي افغان په مرسته بشپړې شوې.

۱۴۴۴/۱۱/۱۵

د کور او ښار جوړولو وزارت محترم سرپرست وزیر شیخ حمدالله نعماني د دغه وزارت په انګړ کې د چمن، لوګو، زینتي بوټو او په ټوله کې د ښکلا چارو له بشپړوالي لیدنه وکړه.

د کور او ښار جوړولو وزارت دغه سیمه چې په انځورونو کې لیدل کېږي، وړاندې په بد حالت کې وه، چې اوس یې بڼې په ښکلي او طبعي شکل بدلون وموند.

دا چاره د کور او ښار جوړولو وزارت د محترم اداري ریاست په هڅو او زیار ترسره شوه، چې مالي لګښت یې یو بهر مېشتي افغان ورکړی.

شیخ حمدالله نعماني د یاد بهر مېشتي افغان له حسن نیت او احساس مننه وکړه او زیاته یې کړه: اړتیا ده چې د خپل هېواد د سمسورتیا او رغونې لپاره خپله افغانان لاس په کار شي او هېڅکله دې د پردیو په تمه نه پاتې کېږي.

دغه راز ښاغلي نعماني له محترم اداري رئیس انجنیر قاري محمد یوسف لطیف او د مسکن تخنیکي ریاست کې له محترم انجنیر پردېس رسولي مننه وکړه، چې په ښه او طبعي شکل یې یادې چارې سرته ورسولې، چې د لیدونکو زړونه راجلبوي.

د کور او ښار جوړولو وزارت لوګو د انګلیسي ژبې په مخفف تورو (MUDH) لیکل شوې، چې د کور او ښار جوړولو وزارت معنا ورکوي

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/MUDH-2303368453279461/ 

نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.