د کور او ښار جوړولو وزارت رهبري هیئت ناسته تر سره شوه
۱۴۴۶/۵/۴
د کور او ښار جوړولو وزارت د محترم سرپرست وزیر الحاج شیخ حمدالله نعماني په مشرۍ د دې وزارت د ښاري چارو محترم مرستیال شیخ مدار علي کریمي بامیاني، مالي او اداري محترم مرستیال الحاج محمد ارسلاح خروټي او د دې وزارت یو شمیر رئیسانو او مسؤلینو په ګډون ناسته وشوه.
په دې ناسته کې، د وزارت اړوند پر مهمو موضوعاتو خبرې وشوې، په ځانکړې توګه د ماسټر پلان پر تطبیق او د ښارونو پر تفصیلي پلان خبرې وشوې.
په یاده ناسته کې، د ولایتونو او ولسوالیو د ښاري پراختیا، د پلانونو د څارنې او د کابل ښار د سړکونو پر اصلاحي پلان خبرې وشوې.
په ورته وخت کې، په مرکز او ولایتونو کې د وزارت اړوند وسایلو او اړتیاو خبرې وشوې چې باید د چارو د لا ښه تنظیم په موخه دې وسایل برابر شي او انجنیري ټیمونه دې د سروې په موخه ولایتونو ته سفر وکړي.
په غونډه کې یادونه وشوه، چې په هر ډول شرایطو کې دې د شخصي ګټو پر ځای د اسلامي شریعت په چوکاټ کې ملي ګټو ته لومړيتوب ورکړل شي.
