د کور او ښار جوړولو وزارت د ښاري تخلفاتو د مخنیوي پلاوي په کونړ کې د دغه ولایت له محترم والي سره ولیدل
۱۴۴۷/۸/۲۲
د کور او ښار جوړولو وزارت، له ښاري تخلفاتو د مخنیوي او د پروژو پر تطبیق د څار محترم عمومي ریاست په همغږۍ، د دغه وزارت د ښاري تخلفاتو د مخنیوي محترم رئیس انجنیر احمد شهاب لېوال په مشرۍ تللي تخنیکي ټیم په کونړ ولایت کې د دغه ولایت له محترم والي او محترم ښاروال سره لیدنه وکړه.
تخنیکي پلاوي د کونړ ولایت له محترم والي الحاج مولوي قدرتالله ابوحمزه او همدارنګه د کونړ ولایت له ښاروال محترم مولوي نظر محمد عتیق سره وکتل او په ځینو ښاري موضوعاتو یې سره خبرې وکړې.
د دغې لیدنې موخه، په اړوندو برخو کې د همکارۍ د لا پیاوړتیا، د ښاري سرغړونو د مدیریتونو او نورو اړوندو ادارو ترمنځ د اغېزمنې همغږۍ رامنځته کول او د ښاري اصولو او مقرراتو د ښه تطبیق لپاره د لا مناسبې زمینې برابرول و.
د لیدنې په پیل کې د کونړ ولایت محترم والي د تخنیکي پلاوي له سفر او هڅو مننه وکړه او د ښاري سرغړونو د ټیم له کړنو او هڅو یې خوښي هم څرګنده کړه.
ښاغلي والي د ادارو ترمنځ د ګډو همکاریو پر دوام ټینګار وکړ.
دغه ارز، د کونړ ولایت محترم ښاروال هم د هرکلي او مننې ترڅنګ، د ادارو ترمنځ پر ګډو همکاریو ټینګار وکړ او د کونړ ښار لپاره یې د هر اړخیزو تفصیلي پلانونو د ترتیب او طرحې غوښتنه وکړه.
