د کور او ښار جوړولو وزارت استازو د شیخ زاید ښارګوټي له اوسیدونکو سره ولیدل
۴۴۴/۰۴/۲۱
د کور او ښار جوړولو وزارت د عوایدو رئیس مولوي ذاکرالله د کابل په قصبه کې د شیخ زاید (امارات) ښار ګوټي د وکیلانو سره د اقساطو د ور کړې په څرنګوالي خبرې وکړې.
په دې لیدنه کې د دې ښار ګوټي اوسیدونکو د خپلو ستونزو په اړه خبرې وکړې، دوی زیاته کړه چې دوی د ګڼو ستونزو سره لاس او ګریوان دي او د ا.ا.ا دې دوی سره د اقساطو په ور کړه کې همکاري وکړي.
د کور او ښار جوړولو وزارت د عوایدو رئیس مولوي ذاکرالله د اپارتمانونو د اقساطو په ور کړې ټینګار وکړ، زیاته یې کړه چې د ا.ا.ا او د کور او ښار جوړولو وزارت د خلکو ستونزې درک کوي نوموړي زیاته کړه چې مشرانو د تخفیف په اړه هره پریکړه وکړه، لازمي به اجرات کیږي.
مولوي ذاکرالله د دې ښار ګوټي اوسیدونکو ته وویل چې د تیرو اوو کلونو را پدیخوا چې کوم اقساط نه دي تحویل شوي باید تحویل یې کړي.
د شیخ زاید (امارات) ښار ګوټی په (۲۶۵) جریبه ځمکه کې جوړ شوی، (۱۱۱) استوګنیز بلاکونه لري (۵) منزله (۳۳۳۰) اپارتمانونه دوه، درې او څلور اطاقه لري.
