د کورونو برخه کې د اغاخان مؤسسې د خپلو چارو په اړه د کور او ښار جوړولو وزارت ته معلوماتي پرزینټېشن ورکړ

۱۴۴۴/۱۱/۱۴

په افغانستان کې د کورونو د رغونې برخه کې د اغا خان مؤسسې مسؤلینو د کور او ښار جوړولو وزارت له محترم سرپرست وزیر شیخ حمدالله نعماني سره وکتل او د دې مؤسسې اړوند د کورونو د رغونې په برخه کې یې د چارو د پرمختګ په اړه معلومات ورکړل.

د یادې مؤسسې مسؤلینو د کور او ښار جوړولو وزارت له سرپرسیت وزیر مننه وکړه، چې د دوی اړوند ښاري پروژو کې یې پوره همکاري کړې ده.

د کورونو لپاره د اغاخان مؤسسې مسؤلین وایي، د بدخشان په شٌکۍ ولسوالۍ د دیخواه دشته کې د رغونې پروژه، د خوست ولایت په سپېره ولسوالۍ کې د ۳۰۰ کورونو جوړول او د کابل په پغمان ولسوالۍ کې د بېرته راستنیدونکو او کورني بې ځایه شویو کډوالو لپاره د سرپناه جوړولو پروژو باندې کار روان دی.

یادو مسؤلینو زیاته کړه، د خوست ولایت په سپېره ولسوالۍ کې د (۳۰۰) کورونو جوړولو چارې په ټوله کې (۹۰) سلنه بشپړ شوې دي، چې نږدې راتلونکي کې به ګټې اخستنې ته وسپارل شي.

دغه راز په پغمان ولسوالۍ کې د بېرته راستنیدونکو او کورني بې ځایه شوو کورنیو لپاره د سرپناه جوړولو لومړنۍ چارې پیل شوې دي.

د کور او ښار جوړولو وزارت محترم سرپرست وزیر شیخ حمدالله نعماني، د یادې مؤسسې له همکاریو مننه وکړه او زیاته یې کړه، د کور او ښار جوړولو وزارت د ښارونو او مسکن د جوړولو برخه کې د مؤسسو او نړیوالو بنسټونو له همکاریو ملاتړ کوي.

سرپرست وزیر وویل، هڅه کوي چې له بېلا بېلو لارو چارو د بې سرپناه هېوادوالو ستونزې حل کړي، خلکو ته د کار کولو زمینه برابره کړي او په ټوله کې اقتصادي څرخ په خوځښت راولي.

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/MUDH-2303368453279461/ 

نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.