د کثیر الرشتوي انسټېټوټ زده کونکو ته د ساختماني انجنیرۍ برخه کې د ډیزاین عملي زده کړې ورکول کېږي
![picture](/sites/default/files/2024-06/whatsapp_image_2024-06-01_at_12.36.24_pm_2.jpeg)
۱۴۴۵/۱۱/۲۳
د کور او ښار جوړولو وزارت د کابل کثیرالرشتوي انسټېټوټ زده کونکو ته د ساختماني انجنیرۍ د ډیزاین په برخه کې عملي زده کړې ور کوي.
د کور او ښار جوړولو وزارت د انجنیرۍ ریاست کار کونکی انجنیر رضا جویا وايي، د کابل کثیرالرشتوي انسټېټوټ ۲۵ زده کونکو ته یې د ساختماني ډیزاین برخه کې عملي زده کړې پیل کړي، چې هره ورځ زده کونکي خپلې زده کړې په ډېره مینه ترلاسه کوي.
ښاغلي جویا وویل، زده کونکو ته د ډیزاین ډولونه، د ډیزاین د پړاونو لارې چارې، د پروژو د جوړولو کمپیوټري زده کړې او د نقشو د عصري طرحو جوړول په عملي ډول ور ښودل کېږي.
په پام کې ده، چې د یاد کثیر الرشتوي انستېتوټ زده کوونکي د یوې میاشتې لپاره د کور او ښار جوړولو وزارت له لوري په ښه او مسلکي بڼه وروزل شي.