د کابل په غير رسمي ښاري سیمو کې له ۴۹۰ زرو زیات کورونه سروې او ثبت شول
ښار جوړولو او ځمکو وزارت د غير رسمي ښاري سيمو د ثبت برنامې په لړ کې د کابل په ۲۲مه ناحيه او مير بچه کوټ ولسوالۍ کې ۴۹۵ زره ۶۵۶ کورونه سروې او ثبت کړي دي.
له دې ډلې څخه ۴۹۱زره ۴۰ کورونه د ښار په ناحيو کې او ۴۶۱۶ کورونه په ميربچه کوټ ولسوالۍ کې سروې او ثبت شوي دي.
ښار جوړولو او ځمکو وزارت تر اوسه په کابل، مزارشريف، هرات، کندهار، جلالاباد، فراه، باميان او نيلي ښارونو کې ۷۹۰زره ۴۴۶ کورونه سروې او ثبت کړي او تر څنګ يې پر اړمنو د ملکيت ۲۰ زره سندونه هم ويشلي دي.
