د چارو پرمختګ او چټکتیا پر لارو چارو خبرې وشوې

۱۴۴۶/۳/۱۴
د کور او ښار جوړولو وزارت محترم مالي او اداري مرستیال الحاج محمد ارسلاح خروټي، د دغه وزارت د یو شمېر ریاستونو له مسؤلینو سره وکتل.
په دغه کتنه کې، بحث وشو چې څنګه کېدای شي چارې ګړندۍ او پرمختګ وکړي او په شعبو کې له خند او ځنډ مخنیوی وشي.
راغلو رئیسانو د مطرح شوو موضوعاتو د دقت، پرمختک او چټکتیا په موخه نظریات وړاندې کړل او په تړاو یې وړاندیزونه وکړل.
ښاغلي مالي او اداري مرستیال الحاج محمد ارسلاح خروټي د چارو پرمختګ، چټکتیا او همغږۍ په اړه لازمې سپارښتنې وکړې، مسؤلین یې خپلو دندو ته متوجه کړل او ترمنځ یې په لا زیاتې همغږۍ او همکارۍ ټینګار وکړ.
نوموړي وویل، اسناد دې پر وخت اجراء شي، د ځنډ او خنډ مخنیوی دې وشي او په خبره یې د بېړنیو موضوعاتو او اقداماتو د اجراء لپاره دې منظم ترتیب برابر شي.
ښاغلي خروټي وویل، د ټولو ریاستونو لپاره د اړتیا وړ جنسونو او وسایلو ارزونه دې وشي، نیمګړتیاوې دې په ګوته او د حل لپاره دې یې هڅې ګړندۍ شي.
د کور او ښار جوړولو وزارت رهبري هڅې کوي چې د ورسپارل شوو دندو او مسؤلیتونو په ترسره کولو کې پر وخت، اغېزمن او چټک ګامونه پروته کړي