د پکتيا مهاجرينو ښارګوټي کې مهاجرو ته سرپناه جوړيږي

١٤٤٦/١١/٨

په هغه ښارګوټي کې چې پکتيا ولايت کې مهاجرينو لپاره ځمکه وېشل کېږي، د مهاجر و لپاره په کې سر پناه جوړيږي.

د کور او ښار جوړولو وزارت محترم سرپرست وزير الحاج شيخ حمدالله نعماني وويل، خوښ دى چې پداسې مراسمو کې برخه اخلي چې پکښې مهاجرو ته د سرپناه جوړولو لپاره اقدام کېږي.

ښاغلي شيخ حمد الله نعماني وویل، داد ټولو مسؤولیت دی چی د افغان مهاجرو لاسنیوی وکړي.

نوموړي د قطر هېواد د سرې مياشتې ټولنې څخه مننه وکړه چې پکتيا کې مهاجرو لپاره سرپناه جوړوي.

محترم سرپرست وزير وويل، د قطر هېواد سره مياشت غواړي چې د پکتيا رباط ښارګوټي کې د مهاجرو لپاره سل بابه کورونه جوړ کړي، چې هر کور به دوه خونې، يو دهليز، يو تشناب او يو پخلنځى ولري.

دغه راز يو مسجد شريف جوړوي چې په يو وخت به د 280 لمونځ کوونکو ظرفيت ولري.

پر دې سربيره يوه مدرسه او د اوبو شبکه هم جوړوي چې هر کور ته به يې نل غځيدلى وي.

په ورته وخت کې افغانستان کې د سرې مياشتې ټولنې مشر وويل، دا پروژه د قطر هېواد د خيرغوښتونکو ښځو لخوا تمويلېږي.

دوی وایي، دا کورونه به هغه کورنیو ته ورکړل شي چې  د جګړو، طبعي افتونو یا جبري بې ځايه کېدو له امله يې خپل کورونه له لاسه ورکړي دي.

د معلوما تو له مخې، د قطر سره مياشت به دغه ښارګوټي کې د ماشومانو د لوبو پارک، د پرانستو ساحو زرغونول او د باغونو جوړول په غاړه اخلي او دغه راز د سړکونو هوارول.

د يادولو وړ ده چې دغه پروژه د تعليمي او خيريه بنسټ په همکارۍ او د مهاجرينو وزارت په همغږۍ تر سره کېږي.

په يادې پروژې 916,914 امريکايي ډالر لګښت راځي.