د هرات د اراضۍ ریاست د قبالې ودانۍ رغنیزې چارې دوام لري
ښارجوړولو او ځمکو وزارت د هرات ښار په اتمه ناحیه کې د دشت ګذرکاه سیمه کې د دې ولایت د اراضۍ ریاست د قبالې ودانې رغنیزې چارې تر کار لاندې لري چې ودانیز کارونه یې ۶۰ سلنه بشپړ شوي دي.
دا ودانۍ په ۱۰۰۰ متر مربع ځمکه کې په څلورو پوړونو د ۹۷ میلیونه او ۴۰۰ زره افغانیو په ارزښت د ښارجوړولو او ځمکو وزارت له پراختیايي بودیجې جوړیږي.
د ټولګټو پروژو تطبیق په موخه له دولتي ملکیتونو معقوله او ګټوره استفاده د ښارجوړولو او ځمکو وزارت کار لومړیتوب دی او دا وزارت د حکومت پراختیايي او اقتصادي پلان جوړونې او د پالیسیو تطبیق برخه کې لوړ ګامونه پورته کړي دي.
###
