د هرات تورغونډۍ ګمرک کې د مسجد شریف له ودانیزو چارو څارنه وشوه
۱۴۰۵/۱۲/۱
د هرات ولایت د تورغونډۍ ګمرک اړوند د مسجد شریف د ودانیزې پروژې د څارنې په لړ کې، د یاد مسجد د ګنبد سلب د سیم تړلو د بشپړېدو بهیر څخه تخنیکي نظارت ترسره شو.
د ارزونې پر مهال څرګنده شوه، چې د سیم تړلو چارې د منظور شوې نقشې او تخنیکي مشخصاتو مطابق بشپړې شوې دي، له همدې امله قراردادي شرکت ته د ګنبدي سلب د کانکریټ اچونې اجازه ورکړل شوه.
د نظارت پر مهال قراردادي شرکت ته لازمې تخنیکي لارښوونې هم وشوې، چې له مخې یې د کانکریټ اچونې چارې باید د مکس ډیزاین او منظور شوو تخنیکي معیارونو مطابق ترسره شي.
د یاد مسجد شریف ودانیزې چارې د منظور شوي پلان او تخنیکي معیارونو مطابق روانې دي او اړوند تخنیکي ټیمونه د پروژې د کیفیت د خوندي ساتلو په موخه دوامداره څارنه ترسره کوي.
