د هرات بندر د ترازو مدیریت د جوړولو پروژې له چارو څارنه وشوه
۱۴۴۶/۱۲/۶
فاریاب ولایت کې د کور او ښار جوړولو ریاست محترم رئیس مولوي خالمیرزا ذوالفقار وایي، د دې ریاست تخنیکي ټیم سره یې د فاریاب د عامه ګټو ریاست د هرات بندر د ترازو مدیریت د ودانیزې پروژې له چارو څارنه وکړه.
ښاغلی مولوي ذوالفقار وایي، د یاد پروژې چارې په بشپړه توګه ۱۰۰٪ بشپړې شوې او د استفادې لپاره چمتو ده.
نوموړی وایي، د هرات بندر د ترازو مدیریت یوه مهمه ساختماني پروژه ده، چې موخه یې د بندر د ترازو سیستم د سمې څارنې او مدیریت لپاره جوړول دي.
د یادې پروژې بشپړیدل د بندر په فعالیتونو کې د دقت او شفافیت زیاتوالی راولي.
په ټوله کې، دغه پروژه نه یوازې د هرات بندر د عملیاتو او دقت په ښه کولو کې مرسته کوي، بلکې د فاریاب د عامه ګټو ریاست لپاره هم یوه ستره لاسته راوړنه ده.
