د نوي کابل ښار په محدوده کې د نمراتو د خرڅلاو په اړه د کور او ښار جوړولو وزارت خبرتیا

org_admin
اطلاعیه

د کور او ښار جوړولو وزارت خبرتیا

د نوي کابل ښار په محدوده کې د نمراتو د خرڅلاو په اړه

درنو محترمو هېوادوالو ته دعامه پوهاوي لپاره خبر درکول کېږي، چې د نوي کابل ښار ماستر پلان په محدوده کې د ( نوي کابل ښار پروژې) تر عنوان لاندې د استوګنیزو، سوداګریزو او نورو نمراتو خرڅلاو یوازې په هغو پروژو او ښارګوټو کې جواز لري چې اړوند ښارګوټي د کور او ښار جوړولو وزارت سره ثبت وي او له دغه وزارت څخه یې قانوني قرارداد او د خرڅلاو اجازه لیکونه تر لاسه کړي وي.

له دې امله، هیڅ شرکت او یا بل حقیقي او حکمي شخص تر هغه چې ښارګوټی یې په رسمي ډول ثبت، له دغه وزارت څخه یې قرارداد او قانوني اجازه لیکونه نه وي تر لاسه کړي، د (نوي کابل ښار پروژې) تر عنوان لاندې د نمراتو د اعلان، بازارموندنې، خرڅلاو او دپیسو د ترلاسه کولو حق نه لري.

بناء، له ټولو محترمو هېوادوالو او متقاضیانو څخه په درنښت غوښتنه کېږي چې له هر ډول معاملې، پېرودل، مخکيني پېرود یا د پيسو له ورکړې وړاندې، د پروژې یا ښارګوټي د ثبت، له وزارت سره د قرارداد، د خرڅلاو د رسمي اجازې او نورو اړوندو مواردو په اړه د نوي کابل ښار د پراختیا له عمومي ریاست څخه ډاډ تر لاسه کړي او له غیر رسمي او غیر مجازو اشخاصو او شرکتونو سره له معاملې څخه په کلکه ډډه وکړئ؛ که نه، دا ډول معاملې غیرقانوني ګڼل کېږي او وزارت د غیر رسمي اشخاصو او شرکتونو سره د تر سره شوو معاملاتو په اړه هيڅ ډول مسؤولیت نه لري. د کور او ښار جوړونې وزارت د قانوني او مشروع پانګونو د ملاتړ تر څنګ، د روڼتیا د تأمین، د ناوړه استفادې او غیر قانوني معاملاتو د مخنیوي او د هېوادوالو د حقوقو د خوندیتوب په موخه، نافذه قوانینو او مقراراتو او منظور شوو پلانونو سره سم لازم اقدامات تر سره کوي.

د نوي کابل ښار د پراختیا عمومي ریاست

Latest announcements

شنبه ۱۴۰۵/۸/۳۰ - ۱۱:۵۲
Background image

د افغانستان د ودانیز صنعت، ساختماني چارو او بیارغونې څلورم نړیوال نندارتون ته د ګډون بلنه!

د کور او ښار جوړولو وزارت د هېواد له ټولو ودانیزو شرکتونو، پانګوالو، تولیدوونکو، سوداګرو، مسلکي بنسټونو او د ودانیز سکتور غړو ته بلنه ورکوي، چې د افغانستان د ودانیز صنعت، ساختماني چارو . . .

پنجشنبه ۱۴۰۵/۷/۳۰ - ۱۵:۴۸
Background image

د شیخ زاید ښارګوټي د (۵۲۱) اپارتمانونو د استرداد په اړه خبرتیا!

د کور او ښار جوړولو وزارت د شیخ زاید ښارګوټي د هغو اپارتمانونو مالکانو ته خبر ورکوي، چې په خپل وخت یې پنځوس سلنه قسطونه نه دي تحویل کړي او د استرداد تر حکم لاندې راغلي دي، چې د یادو . . .

پنجشنبه ۱۴۰۵/۷/۳۰ - ۱۵:۳۸
Background image

د شيخ زايد ښارګوټي د (۵۲۱) اپارتمانونو د استرداد په اړه وضاحت!

۱۴۴۸/۵/۱۰

د شيخ زايد ښارګوټي (١١١) بلاكونه، (٣٣٣٠) اپارتمانونو د تمویل موضوع په ١٣٩٢ كال کې بشپړه شوه، چې د ١٣٩٣/١/٣١ نېټه د پخوانۍ ادارې د ولسمشر په حكم او د جوړې شوې شرطپاڼې پر اساس . . .

Back to announcements

ښاغلی مولوي نجیب الله حیات حقاني 

 

۱ کال ago

د خپل خدای، مسلمان ملت او هېواد پر وړاندې ځان مسئول ګڼو اوخپله دنده ګڼو چې د ښاري پراختیا، اقتصادي او ټولنیزې ودې او چاپېریال ساتنې ته کار وکړو.
ژمن یوو او هڅې مو پیل کړي چې د کور او ښار جوړولو وزارت په یو خدماتي او ځواب ویونکي وزارت بدل کړو چې تل به د ابادۍ او ټولګټو پروژو د پلې کولو لپاره کار کوي او دغه برخه کې به روڼتیا، هڅونې او کارموندنې ته زمینه برابره کړو.

د کور او ښار جوړولو وزارت وزیر
د کور او ښار جوړولو وزارت