د نوي کابل ښار د ماسټر پلان د تطبیق په موخه ګډه ناسته وشوه

۱۴۴۴/۱۲/۲۳

د کور او ښار جووړلو محترم سرپرست وزیر شیخ حمدالله نعماني د کابل محترمې ښاروالۍ له مسؤلینو سره وکتل او په نوي کابل ښار کې د ماسټر پلان د تطبیق په موخه یې نظرونه شریک کړل.

په دې ناسته کې د کابل ښاروالۍ د پلان او ښاري پراختیا محترم مرستیال صدرالدین تاجک، د کور او ښار جوړولو وزارت د مسکن، ساختماني چارو او د زونونو د پراختیا مرستیال محترم مولوي روح الله احمدي او د دواړو ادارو ځینو نورو استازو ګډون کړی وو.

په ناسته کې د اوسني کابل ښار په ۱۸مه او ۱۹مه ناحیه کې د ځینو چارو په دوام او د ځینو په ځنډولو خبرې وشوې او دغه راز د نوي کابل ښار په حقوقي او تخنیکي موضوعاتو او کور او ښار جوړولو وزارت او کابل ښاروالۍ په دندو او مسؤلیتونو خبرې وشوې.

د کور او ښار جوړولو وزارت محترم سرپرست وزیر شیخ حمدالله نعماني د نوي کابل ښار پروژه یوه ستره ملي پروژه یاده کړه، او زیاته یې کړه چې د یادې پروژې د ماسټر پلان پلي کېدا د اړوندو ادارو او په ځانګړې توګه د کابل ښاروالۍ سره په ګډه تر سره شي.

د ناستې په پای کې د کور او ښار جوړولو وزارت او کابل ښاروالۍ څخه د متخصصینو یوه ګډه کمیټه جوړه شوه، چې په ګډه به د ۱۹ مې او ۱۸ مې ناحیې له سیمو چې د نوي کابل ښار په ماستر پلان کې شاملې دي لیدنه کوي او هر اړخیزې ارزونې وروسته به یې راپور د وزارت مقام سره شریک کوي

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/MUDH-2303368453279461/ 

نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.