د نهه دولتي تعمیرونو سکېچ کول او د نقشو رسمول بشپړ شول
د ښار جوړولو او ځمکو وزارت له تحول وروسته د سترې محکمې ودانۍ سکېچ کړه چې د مرکز ګرمۍ سیستم په کې نه و موجود.
دغه راز د یادې محکمې د سایټ د سکېچ چارې بشپړې شوې او پر دې سربېره یې د دغې محکمې د پلان سایټ ترسیم کړ چې په ټوله کې یې د یادو برخو د مهندسۍ نقشې ترتیب او بشپړې کړې.
بل پلو د ښار جوړولو او ځمکو وزارت لخوا د سترې محکمې د یوې څلور پوړیزې ودانۍ د مهندسۍ نقشه، مسجد ، د یادې محکمې د اداري تعمیر او قوماندانۍ نقشه، د هستوي مرکز د عالي کمېسیون د فاضله هستوي موادو د دفن کولو، په پدوله دښته کې د پیر محمد کاکړ د لېسې لنډ سکېب ډیزاین او طرحه، او د قېمتي او نیمه قېمتي ډبرو د پروسس ودانۍ د نقشو طرحه او ډیزاین چارې روانې دي.
د مهندسۍ هغه نقشې او د انجنیرۍ شبکو سیستم طرحه چې د ښار جوړولو او ځمکو وزارت لخوا دولتي ودانیو ته چمتو کېږي، په لوړو معیارونو برابر او ورځنیو اړتیاوو او سټنډرډونو ته په کتو ترتیبېږي.
