د معاذ بن جبل (رض) جومات د بيارغولو او ترميم چارې چټکې شوې دي
ښار جوړولو او ځمکو وزارت د تاریخي ابداتو د ترميم ملي ادارې له لارې په کابل ښار کې د معاذ بن جبل (رض) جومات د بيارغولو او ترميم ۲۵ سلنه چارې بشپړې کړې دي.
دا تاريخي جومات د کابل ښار په لومړۍ ناحيه کې موقعیت لري چې په ۲۵۰ متر مربع ځمکه کې په دوه پوړيز ډول د دولت له انکشافي بوديجې څخه په ۴ ميلیونه او ۵۰۰ زره افغانيو لګښت جوړيږي. ښار جوړولو او ځمکو وزارت د تاریخي ابداتو د ترميم ملي ادارې له لارې د شاه دو شمشېره جومات، پلخشتي جومات او معاذ بن جبل جوماتونو په ګډون ګڼ نور جوماتونه او تاريخي ابدات ترميم او بيارغولي دي.
