د لقمان حکيم سوداګريز او هستوګنيز مارکېټ له ودانیزو چارو څارنه وشوه
۱۴۴۷/۸/۶
د هلمند ولایت په لښکرګاه ښار کې د لقمان حکيم سوداګريز او هستوګنيز مارکېټ له دانیزو چارو څارنه تر سره شوه.
د نظارت پر مهال څرګنده شوه چې دا مهال د مارکېټ د B بلاک د دوهم پوړ د پارټيشن خښتکارۍ، پلاسترکارۍ او د برېښنا چارې روانې دي، چې د کار د کيفيت د لوړولو په موخه، د ساحې انجنير ته سپارښتنه وشوه چې د خښتکارۍ پر مهال د اوبو ورکولو اصول مراعات کړي، د لومړۍ درجې خښتې وکاروي او ټولې چارې د ټاکل شوو مارکونو او تخنيکي پروسو سره سم پر مخ يوسي.
د لقمان حکيم سوداګريز او هستوګنيز مارکېټ پروژه د ښاري سوداګريزو او استوګنيزو اسانتياوو د پراختيا په موخه تطبيقېږي. د کور او ښار جوړولو رياست د دې ډول پروژو څارنه په منظم ډول ترسره کوي، تر څو رغنيزې چارې د کيفيت، خونديتوب او ټاکل شوو تخنيکي معيارونو سره سم بشپړې شي.
