د فراه ولایت مرکز باغ پل سیمه کې د ترکاري پلورونکو مارکېټ له ودانیزو چارو څارنه وشوه
۱۴۴۸/۳/۱۳
د فراه ولایت د مرکز اړوند د باغ پل په سیمه کې د ترکاري پلورونکو مارکېټ له ودانیزو چارو له بهیر څخه د فراه ولایت د کور او ښار جوړولو ریاست اړوند تخنیکي ټيم څارنه وکړه.
د څارنې پر مهال د یاد مارکېټ د ترسره شوو ودانیزو چارو هر اړخیزه تخنیکي ارزونه وشوه او د ودانیزو کارونو کیفیت، د چارو د تطبیق څرنګوالی، د منظور شوو نقشو پلي کېدل او د انجنیري اصولو مراعاتول وکتل شول.
همدارنګه، د پروژې مسؤلینو ته د ودانیزو چارو د کیفیت د لا ښه والي او د پاتې کارونو د معیاري ترسره کولو په موخه لازمې تخنیکي لارښوونې وشوې.
د یادونې وړ ده چې د ترکاري پلورونکو مارکېټ پروژه د شخصي پانګې په لګښت رغول کېږي او تر اوسه یې ودانیزې چارې شاوخوا ۸۰ سلنه بشپړې شوې دي.
د پروژې اړوندو مسؤلینو ته سپارښتنه وشوه چې پاتې ساختماني چارې د منظور شوو نقشو، انجنیري اصولو، تخنیکي معیارونو او اړوندو مقرراتو مطابق بشپړې کړي، څو مارکېټ په معیاري ډول ګټې اخیستنې ته وسپارل شي.
