د غزني ولایت د قره باغ ولسوالۍ لپاره پر اصلاحي پلان خبرې وشوې
۱۴۴۵/۱۱/۱۳
د غزني ولایت د قره باغ ولسوالۍ لپاره پر اصلاحي پلان د دې ولایت د کور او ښار جوړولو ریاست تخنیکي ټیم، د قره باغ محترمې ښاروالۍ اود نورو اړوندو ادارو استازو ناسته وکړه.
د غزني ولایت د کور او ښار جوړولو ریاست محترم رئیس مولوي نور ولي بلال متقي وایي، د دې ریاست تخنیکي ټيم د نورو اړوندو ادارو له استازو سره په ګډه د قره باغ ولسوالۍ لپاره پر اصلاحي پلان بحث وکړ، تر څو هلته یو منظم تفصیلي پلان ترتیب او تطبیق شي.
د کور او ښار جوړولو وزارت د ټولو ولسوالیو لپاره تفصیلي پلانونه په نظر کې لري، تر څو د غیرې پلاني ښاري ودې او پراختیا مخنیوی وشي.
