د سرپل ولایت د مرافعه محکمې اړوند له یوې پرژوې څارنه وشوه
۱۴۴۷/۵/۷
سرپل ولایت کې د کور او ښار جوړولو ریاست محترم رئیس مولوي محمد نور نوراني وایي، د ریاست اړوند تخنیکي ټیم یې د دغه ولایت د مرافع محکمې په داخل کې د پلي لارو د جوړولو او د خونو رنګولو له چارو څارنه وکړه.
ښاغلی مولوي نوراني وایي، دغه څارنه یې په یاد ولایت کې د مرافعه محکمې په رسمي غوښتنه ترسره کړه، ترڅو په چارو کې اصول او معیار خوندي اوسي.
نوموړی وایي، د څار پر مهال معلومه شوه چې د کانکرېټ اچولو لپاره یې خط اچونه په سمه توګه نه ترسره شوې.
هغه زیاتوي، اړوند ټیم یې د قراردادي شرکت مسؤل انجنیر ته لازمې لارښوونې وکړې، ترڅو چارې اصولي پر مخ یوسي او ترسره شوې چارې اصلاح کړي.
د کور او ښار جوړولو وزارت د پروژو د کیفیت او معیار خوندیتوب ترڅنګ د ښآري نظم او دسپلین ساتنه هم کوي.
