د دولتاباد ولسوالۍ د سړکونو د حریم د پاککارۍ چارې په چټکۍ روانې دي
۱۴۴۷/۰۷/۱۱
د بلخ ولایت د کور او ښار جوړولو محترم ریاست په همغږۍ د ولایت محترم مقام، محترمې ښاروالۍ او اړونده محلي ادارو سره، د دولتاباد ولسوالۍ د تفصیلي پلان د تطبیق چارې پر مخ وړي.
د دولت اباد ولسوالۍ له پخوا څخه د تفصیلي پلان خاوند دی او د اداري، خدماتي او سوداګریزو ساحو یوه برخه یې تر دې دمه تطبیق شوې وه.
په دې وروستیو کې، د بلخ ولایت د کور او ښار جوړولو ریاست د پلان مطابق، د ۴۰ متره سړکونو او پاتې ساحو د تطبیق او خط اچونې چارې پیل شوي، چې تر دې دمه یې د پلان د تطبیق برخه په پراخه کچه پر مخ تللې ده.
محلي ادارې په دې برخه کې ژمنې دي چې د پلان پاتې چارې په بشپړ ډول د خلکو په همکارۍ او همغږۍ سره تطبیق کړي.
