د دولتي ځمکو بانک پروګرام
Due
-
د دولتي ځمکو د بانک پروګرام د دولتي ځمکو او د دولت تر استفادې لاندې د عامه ملکیتونو د ثبت او سروې په موخه جوړه شوې.
د دې ملي او انکشافي برنامې له تطبیق سره به د دولتي ځمکو د غصب مخنيوي، د دولت پراختيايي او اقتصادي پلان جوړونې او د هغې تطبيق ته د زمينې برابرولو، د ټولګټو او زيربنایي پروژو عملي کېدو، خصوصي سکتور ته د ځمکو په اجاره ورکولو، بیرته راستنېدونکو او بې ځایه شویو کډوالو، کوچیانو او د هېواد امنیتي او دفاعي سرتیرو د شهیدانو کورنیو ته د ځمکو ویشلو په برخه کې خپلو اهدافو ته ورسيږو.
د دولتي ځمکو بانک برنامې عملي کار د ۱۳۹۷ لمریز کال په حمل مياشت کې د افغانستان اسلامي جمهوریت عالي مقام د ۶۶ ګڼې حکم پر بنسټ ۸/۱/۱۳۹۷ کال د هېواد په ۲۸ ولایتونو کې پیل شو او د یوه کال په موده کې لږترلږه څلور میلیونه جریبه دولتي ځمکه او املاک سروې، نقشه او د ځمکې په بانک کې ثبت شوي.
د ځمکې په بانک کې تر اوسه د دولتي ثبت شویو ځمکو له ډلې ۱۷ زره دولتي ځمکه د دولت د ټولګټو پروژو تطبیق ته او ۱۲۵۰۰ جریبه دولتي ځمکه د بیرته راستنېدونکو او بې ځایه شویو کډوالو او د هېواد امنیتي او دفاعي سرتیرو د شهیدانو کورنیو ته ځانګړې شوې ده.
