د تیلو د پمپ سټېشنونو د جوړولو لپاره معیاري سکیچ جوړیږي

۱۴۴۵/۳/۵

د کور اوښار جوړلوو وزارت د ښاري چارو د محترم مرستیال شیخ مدارعلي کریمي بامیاني په مشرۍ، د ښاري نقشو د ویزه کولو کمیسیون ناسته وکړه.

په دغه ناسته کې د بېلا بېلو ښاري موضوعاتو ترڅنګ د نفت او ګازو دولتي شرکت پر غوښتنې هم خبرې وشوې، چې غوښتي یې دي د تېلو د پمپونو جوړولو لپاره دې د کور او ښار جوړولو وزارت د بېلګې په توګه یو معیاري سکېچ جوړ کړي.

د کور او ښار جوړولو وزارت د ښاري چارو مرستیال، خلکو ته د اسانتیاو په رامنځته کولو ټینګار وکړ او زیاته یې کړه، چې د هېوادوالو د وخت نه ضایع کولو په موخه دې یو یا څو معیاري سکېچونه جوړ او د تقاضا لرونکې مرجع په واک کې دې ورکړل شي.

نوموړي وویل، د کور او ښار جوړولو وزارت دوهم واحدونه دې هم په دغه برخه کې د شته طرزالعمل پر بنسټ اجرات وکړي.

د ناستې په دوام، د درې ښارونو (هرات، کندهار او خوست) د ستراتېژیکې پراختیا پلانونو (SDF) په اړه هم خبرې وکړې.

دغه پلانونه د تېر حکومت په مهال د یو امریکایي شرکت له خوا د ساساکي په نوم جوړ شوي وو.

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/MUDH-2303368453279461/ 

نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.