د تخار په درقد ولسوالۍ کې د يو ښوونځي ودانۍ ورغول شوه
ښار جوړولو او ځمکو وزارت د ښوونځيو لپاره د ودانيو جوړولو په دوام دا ځل د تخار ولايت د درقد ولسوالۍ په مستغني قريه کې د يو ښوونځي لپاره ودانۍ جوړه او ګټې اخېستنې ته يې وسپارله.
د ښوونځي دا ودانۍ په ۹۷۱ متر مربع ځمکه کې په دوه پوړيز ډول د ښار جوړولو او ځمکو وزوارت د پېش ساخت قطعاتو د توليد فابريکې پر مټ په ۲۷ ميليونه ۶۸۲ زره افغانيو ورغول شوه.
ښار جوړولو او ځمکو وزارت د پېش ساخت قطعاتو د توليد فابريکې له عصري ټکنالوژۍ څخه په استفادې په روان کال کې تر اوسه د هېواد په بېلابېلو ولايتونو کې ۷۵ ښوونځيو لپاره ودانۍ جوړې کړي دي.
