د بغلان په بُرقه او جلګه ولسوالیو کې د نویو ښارونو پر جوړولو خبرې وشوې

۱۴۴۵/۵/۲۹

د کور او ښا رجوړولو وزارت محترم سرپرست وزیر شیخ حمدالله نعماني د بغلان ولایت د بُرقه ولسوالۍ له محترم ولسوال مولوي عبدالهادي او د جلګې ولسوالۍ له محترم ولسوال مولوي شمس الرحمن سره وکتل.

په دغه کتنه کې، د بُرقه او جلګې ولسوالیو محترمو ولسوالانو په دې ولسوالیو کې د ښار او ښاري اسانتیاوو د نه شتون او له کبله یې د شته ستونزو په تړاو یادونه وکړه.

ولسوالانو وویل، د ښار د نشتون له امله خلک له بېلا بېلو ستونزو سره لاس او ګرېوان دي او اړ دي چې د خپلو اړتیاوو پوره کولو او توکو رانیولو په موخه بغلان مرکزي ته لاړ شي.

دوی په پُرقه او جلګه ولسوالیو کې د مناسبو ښارونو جوړولو په تړاو د خلکو ستونزې او وړاندیزونه د کور او ښار جوړولو وزارت له محترم سرپرست وزیر شیخ حمدالله نعماني سره شریکې کړې.

د کور او ښار جوړولو محترم سرپرست وزیر وویل، وزارت یې د ټولو ولایتونو او ولسوالیو لپاره ښاري پرمختللي پلانونه لري، چې ډېری يې پلي شوي او ځینې یې د پلي کېدا په حال کې دي، خو په خبره یې چې ځینې د ځمکو برخه کې حقوقي ستونزې لري، چې باید لومړی هغه حل شي.

ښاغلي نعماني، له راغلو محترمو ولسوالانو غوښتنه وکړه، چې په خپلو ولسوالیو کې دې هغه ځمکو حقوقي ستونزې حل کړي، چې ښایي د ښار جوړولو لپاره پرې چارې پیل شي.

د هېواد په کچه، د نوو ښارونو رامنځته کول، شته ښارونو ته وده او پراختیا ورکول او خلکو ته په ښارونو کې اسانتیاوې برابرول د کور اوښار جوړولو وزارت له مهمو دندو څخه دي، چې په دې برخه کې د وزارت رهبري ژمنه او لاس په کار ده.

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/profile.php?id=100087195086592

نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.