د ارزګان ولایت د ترازو ودانۍ د ودانیزو چارو څارنه وشوه
۱۴۴۷/۰۵/۲۱
د ارزګان ولایت د کور او ښار جوړولو ریاست تخنیکي ټیم د معدن ریاست د ترازو ودانۍ د ودانیزو چارو څارنه تر سره کړه. د څارنې په جریان کې د ودانۍ سلب قالب بندي، سیخ بندي او کانکریټ اچونه بشپړه شوې، او د ودانۍ دننه د خونو دروازې او د ترازو نصب چارې هم ترسره شوې دي.
د ارزګان ولایت د کور او ښار جوړولو ریاست محترم رئیس مولوي روح الله ابو احمد وایي، تخنیکي ټیم د ترسره شویو کارونو کیفیت، د موادو معیار او د ساحې تخنیکي وضعیت ارزولی ترڅو ډاډ ترلاسه شي چې ودانیزې چارې په دقیق ډول او د معیارونو سره سم پرمخ وړل کیږي.
د ترازو ودانۍ د معدن ریاست لپاره د یوې مهمې ودانۍ په توګه پلان شوې چې د کارونو د سم تطبیق او کیفیت څارنه یې د کور او ښار جوړولو ریاست لومړیتوب دی. د څارنې له لارې ډاډ ترلاسه کیږي چې ودانیز کارونه د معیارونو سره سم ترسره شي او د ټولنې لپاره باوري او دوامداره جوړښتونه رامنځته شي.
