جوزجان ولایت کې له ښاري تخلفاتو مخنیوی وشو
۱۴۴۶/۰۹/۰۲
د کور او ښار جوړولو وزارت له ښاري تخلفاتو د مخنیوي ریاست محترم رئیس مولوي عبدالمنان حقاني وایي، د ریاست اړوند تخنیکي تیم یې په جوزجان ولایت کې د څار په مهال له ښاري سرغړونو مخنیوی وکړ.
ښاغلی مولوي حقاني وایي، یاد ټیم یې په جوزجان ولایت کې د کور او ښار جوړولو ریاست د محترم رئیس مولوي عبدالله فیضان په لارښوونه او همکارۍ دغه ولایت کې چارې پیل کړي دي.
نوموړی وایي، د څار په مهالد شبرغان ښار په (ایف) ساحه کې د هغه پروژې چارې وځنډول شوې چې، د پلان خلاف یې روانې کړې وې.
مولوي حقاني زیاته کړه، د شبرغان ښار (ایف) ساحه چې په پلان کې سوداګریزه ده او هلته په کې هټۍ جوړېدې، خو دغه هټۍ په تغیر د شکل سره جوړېدې چې دا یوه غیرې پلانې هڅه ده.
نوموړی وایي، مالکینو ته یې لارښوونه وشوه چې، چارې د ایف ساحې د تفصیلي پلان مطابق سرته ورسوي او له سرغړونو دې ډډه وکړي.
د کور او ښار جوړولو وزارت له ټولو هېوادوالو غواړي چې قانون ته درناوی ولري، عملي یې کړي او د ښارونو له بې نظمه کولو دې ډډه وکړي.
