بغلان کې له ۶۸ زره جریبو ډېر څړځایونه ثبت شول
ښارجوړولو او ځمکو وزارت په هېواد کې د څړځایونو سروې، تثبیت، نښه کولو او ثبت پروژې د تطبیق په لړ کې د بغلان ولایت په مرکز او ولسوالیو کې په ۲۲ قطعو کې ۶۸۷۹۰ جریبه څړځایونه سروې او ثبت کړل.
ښارجوړولو او ځمکو وزارت د څړځایونو سروې او ثبت له پیل نه را پدیخوا، تر اوسه د هېواد په ۲۸ ولایتونو کې ۷۹۳۶۶۹ جریبه د څړځایونو خاصه او عامه ځمکه سروې او په عامه او دولتي ځمکې بانک کې یې ثبت کړې ده.
ښارجوړولو او ځمکو وزارت په هېواد کې د څړځایونو سروې، ثبیت، نښه کولو او ثبت پروژې د تطبیق په مرسته له عامه او خاص څړځایونو څخه د ګټورې استفادې تر څنګ په هېواد کې اقتصادي او مالدارۍ ځان بسیاینې ته زمینه برابره کړې ده.
