افغان مهاجرين دې فرصت له لاسه نه ورکوي او ټول دې راشي
١٤٤٦/١١/١٠
د نورو ولايتونو ترڅنګ د کور او ښار جوړولو وزارت په غزني ولايت کې هم راغلو مهاجرو ته ځمکې وويشلې.
دکور او ښار جوړولو وزارت محترم سر پرست وزیر الحاج شیخ حمدالله نعماني په ګاونډيو هېوادونو کې مېشت افغان مهاجرو غږ وکړ چې ټول خپل هېواد ته راشي او له روان فرصت ګټه پورته کړي.
ښاغلي نعماني وویل، که مهاجر فرصت له لاسه ورکړي نو له سختو ستونزو سره به مخامخ شي.
محترم سرپرست وزیر وویل، د هر ولایت مهاجر ته په خپل ولایت کې نمرہ ورکول کېږي، مگر هغه ولایتونه چه امارتي معیاري ځمکه پيدا نشي په اړوند زون کې ورکول کېږي.
نوموړي وویل، دوی له هجرت اوله هجرت ګرځيدو ته ورخطا نه دي خو انديښنه يې ديته ده چې مهاجر په پرديو هېوادونو کې بد ژوند تيروي.
ښاغلي شيخ حمد الله نعماني وویل، جوړيدونکي ښارګوټي عادي نه، بلکې په معياري او په معاصرو نوښتونو برابر دي.
مساجد، مكاتب، پارکونه، سوداگریز او استوګنيز بلاکونه او مارکیټونه هغه څه دي چې په پلان کې په پام کې نيول شويدي.
هغه هيله څرګنده کړه چې راغلو مهاجرو ته د خدمت برخه کې به بریالي شي او خپلو ورونو ته به اغيزمن خدمات وړاندې کړي.
په مراسمو کې دریاسة الوزرا محترم اداري مرستيال مولوي عبد السلام حنفي هم خبرې وکړې او د امارت پر اقداماتو يې رڼا واچوله.
د غزني قومي مشرانو او ولایتي ادارې هم په مراسمو کی خوښي و ښوده چې د نړۍ د ثقافت او تمدن مرکز غزني ولايت کې يې راغلو مهاجرو ته ځمکې ورکړې.
