په فراه ښار کې د ښاري تخلفاتو د مخنیوي په موخه تخنیکي څارنه ترسره شوه
۱۴۴۷/۱۲/۱
د فراه ولایت د کور او ښار جوړولو ریاست د ښاري تخلفاتو د رسېدګۍ تخنیکي ټیم له لوري د فراه ښار د لومړۍ ناحیې له بېلابېلو ساحو څخه ساحوي نظارت ترسره شو.
یاده څارنه د دې لپاره ترسره شوه، څو د تفصیلي پلانونو خلاف، د غیرقانوني او بې اجازې ودانیزو فعالیتونو مخه ونیول شي.
د نظارت پر مهال د ودانیو مالکینو او جوړوونکو ته د ښاري اصولو، منظور شوو نقشو او قانوني اسنادو د رعایت په اړه لازمې تخنیکي سپارښتنې وشوې.
هر ډول ودانیز فعالیت چې د تفصیلي پلان او قانوني مراحلو خلاف ترسره کېږي، ښاري تخلف ګڼل کېږي او پر وړاندې به یې قانوني اقدامات ترسره شي.
