د پکتیا ولایت په ډنډ پټان ولسوالۍ کې د تفصیلي پلان د ترتیب په موخه توپوګرافي سروې ترسره شوې
۱۴۴۷/۱۱/۱۵
د کور او ښار جوړولو وزارت د سروې او جي ای ایس ریاست تخنیکي ټیمونو له لوري، د پکتیا ولایت د ډنډ پټان ولسوالۍ په مرکز کې د توپوګرافي سروې چارې ترسره شوې.
یاده سروې د نږدې( ۱۹۶۴) جریبه ځمکې پر مساحت ترسره شوې، چې موخه یې د ولسوالۍ لپاره د تفصیلي پلان د ترتیب بنسټیز معلومات برابرول دي.
د ترسره شوې سروې په ترڅ کې د سیمې توپوګرافي، موجود وضعیت او تخنیکي مشخصات په دقیق ډول ثبت او تحلیل شوي، څو د ښاري پراختیا لپاره لازم تخنیکي معلومات چمتو شي.
دغه اقدام د ښاري پلانونو د معیاري ترتیب، د منظمې پراختیا د تأمین او د راتلونکو انکشافي پروژو د اغېزمن تطبیق په برخه کې مهم بلل کېږي.
