د سرپل پوهنتون د سیلبر کانال د رغنیزې پروژې د کار بهیر څارنه وشوه
۱۴۴۷/۹/۱۱
سرپُل ولایت کې د کور او ښار جوړولو محترم ریاست تخنیکي او فني ټیم له لوري، د سرپُل پوهنتون د کانال پروژې له چارو تخنیکي څارنه او ارزونه وکړه.
د یادې لیدنې موخه د پروژې د روانو چارو څارنه او د کار د کیفیت ارزونه وه، چې اوسمهال د کانال په پنځو بېلابېلو نقطو کې د ډبرو لګولو چارې روانې دي.
دغه راز، د کانال د ختیځ لوري د پاتې برخې د تل (کف) د چمتو کولو کار هم جریان لري.
د لیدنې پر مهال تخنیکي ټیم ته د پروژې د نقشې او منظور شوي براورد مطابق د کار د چټکتیا او معیاري تطبیق په موخه لازمې لارښوونې او سپارښتنې وشوې.
موخه دا ده، چې چارې په ټاکلي وخت او د کیفیت له معیارونو سره سمې بشپړې شي.
تمه ده چې د سیلبر کانال پروژه به د پلان له مخې پر مخ ولاړه شي او د بشپړېدو وروسته به د پوهنتون د زیربنایي اسانتیاوو په پیاوړتیا کې مهم رول ولوبوي.
