فاریاب کې د قوزي بای قلعه او قریش سیمو د سړکونو له پروژې څارنه وشوه
۱۴۴۷/۹/۷
فاریاب ولایت کې د کور او ښار جوړولو ریاست تخنیکي ټیم، د دې ولایت د دولت اباد ولسوالۍ اړوند د قوزي بای قلعه او د قریش سیمې د سړکونو له پروژې تخنیکي څارنه وکړه.
دغه څارنه د کور او ښار جوړولو وزارت، ښاري سرغړونو د مخنیوي او د انکشافي پروژو پر تطبیق د څار محترم عمومي ریاست په همغږۍ ترسره شوه.
د ارزونې پر مهال وموندل شوه چې د سړکونو د کانکرېټ اچولو چارې د منظور شوې نقشې او انجنيري معیارونو مطابق په عملي ډول روانې دي.
د معلوماتو له مخې، تر دې مهاله، د یادې د پروژې شاوخوا ۶۰ سلنه کار بشپړ شوی دی.
د چارو د لا ښه ترسره کېدو په موخه قراردادي شرکت ته لازمې لارښوونې وشوې، څو پاتې چارې هم په بشپړ ډول د تخنیکي نقشې او منل شوو انجنيري معیارونو سره سمې پرمخ یوسي.
دغه راز، ټینګار وشو چې پروژه په ټاکلي وخت او معیاري ډول بشپړه او ګټې اخیستنې ته وسپارل شي.
دا ډول دوامداره تخنیکي نظارت د باکیفیته عامه پروژو د تطبیق او د ښاري زېربناوو د معیاري پراختیا لپاره اړین ګام بلل کېږي.
