د هرات ولایت د تورغنډۍ ګمرک د مسجد شریف له ودانیزو چار څارنه وشوه
۱۴۴۷/۰۸/۱۵
د هرات ولایت د تورغنډۍ ګمرک د مسجد شریف له ودانیزو چارو څخه تخنیکي څارنه تر سهر شوه، چې موخه یې د پروژې د کیفیت، تخنیکي معیارونو او اسنادو سره سم تطبیق باوري کول دي.
د تخنیکي ټیم د راپور له مخې، د هوا د سختې یخنۍ له امله د مسجد د بیروني دیوالونو د خښتو پاتې چارې او همداراز د تشنابونو د پلستر کارونه تر بلې خبرتیا پورې په موقتي ډول درول شوي دي. په ورته وخت کې، یوازې د مسجد د لومړي پوړ د بیمونو او چت د قالب بندۍ کار ته اجازه ورکړل شوې ده.
همداراز، د پروژې تطبیقوونکې شرکت ته لازمې لارښوونې وشوې، څو ودانیزې ټولې چارې د منظور شوو نقشو، تخنیکي مشخصاتو او ساختماني معیارونو سره سم پر مخ یوسي او د کار کیفیت ته جدي پاملرنه وکړي.
د تورغنډۍ ګمرک مسجد شریف د دیني او عامه تاسیساتو له مهمو ودانیو څخه شمېرل کېږي، چې ودانول یې د عبادت کوونکو لپاره د مناسب، خوندي او معیاري چاپېریال د برابرولو په موخه روان دی.
