په جوزجان کې د غله منډوي مارکېټ له ودانیزو چارو څارنه وشوه
۱۴۴۷/۰۷/۲۲
له ودانیزو پروژو څارنه او مدیریت د کور او ښار جوړولو وزارت مسؤلیت دی، چې په بشپړې ژمنتیا دغه مسؤلیت سرته رسوي.
جوزجان ولایت کې د کور او ښار جوړولو ریاست اړوند تخنیکي ټيم د آقچې ولسوالۍ د محترمې ښاروالۍ اړوند د غله منډوي مارکېټ له ودانیزو چارو څارنه ترسره کړه.
د یادې څارنې پر مهال د پروژې اړوند د هټیو د الکوبان نصب او د سرامیک کارولو چارې تر ارزونې لاندې ونیول شوې.
د ساحوي ارزونې پایلې ښيي چې د رغنیزو چارو یاد پړاوونه تر ډېره د منظور شوو نقشو او تخنیکي مشخصاتو سره سم پر مخ روان دي.
د څارنې په دغه بهیر کې، اړوندو مسوولینو ته لارښوونه وشوه چې د غله منډوي مارکېټ ټولې ودانیزې چارې د نقشو، د کاري احجامو د براورد، د تدارکاتي شرطنامې او د انجنیرۍ او مهندسۍ معیارونو په رڼا کې په دقیق ډول تطبیق کړي.
د غله منډوي مارکېټ پروژه د اقچې ولسوالۍ له مهمو عامه ودانیزو پروژو څخه شمېرل کېږي چې موخه یې د سوداګرو لپاره د معیاري کاري چاپېریال رامنځته کول او د ښار اقتصادي فعالیتونو ته وده ورکول دي.
