د کور او ښار جوړولو وزارت، د څه باندې څلور سوه پنځه پنځوس میلیونه افغانیو په ارزښت د سړک جوړولو شرکت ته یوه پروژه په قراداد ورکړه
۱۴۴۷/۷/۲۰
دغه پروژه د نوي کابل ښار اړوند د کابل – بګرام عمومي سړک دی، چې په ټوله کې شاوخوا (43) کیلو مټره اوږدوالی او (100) متره پلنوالی لري.
دا چې هوا مخ پر سړېدو ده، نو د روان کال لپاره یاد سړک د (6.2) کیلو مټره په اوږدوالي او شاوخوا (50) مټره پلنوالي سره په قرارداد ورکړل شوه.
د سړک پاتې برخې به په راتلونکو کلونو کې په قرارداد ورکول کېږي او چارې به یې پرمختګ کوي.
د کور او ښار جوړولو وزارت محترم وزیر الحاج مولوي نجیب الله حیات حقاني، هوډ څرګند کړی چې یاد سړک او نورې د لومړۍ درجه زیربناء چارې به ګام په ګام پر مخ بیایي او د نوي کابل ښار د ابادۍ چارې به چټکوي.
د کابل – بګرام عمومي سړک د روان کال لپاره د شپږ اعشاریه دوه کیلو مټره په اوږدوالي د اریوب سپین غر سړک جوړولو او ودانیز شرکت ته په ټولیز لګښت 455,853,370 (څلور سوه پنځه پنځوس میلیونه، اته سوه دري پنځوس زره، درې سوه او اویا) افغانۍ د ارزانه نرخ په عنوان په قرارداد ورکړ.
یاد قرارداد د کور او ښار جوړولو وزارت د محترم وزیر الحاج مولوي نجیب الله حیات حقاني او د اریوب سپین غر د سړک جوړولو او ودانیز شرکت د مسؤل ترمنځ لاسلیک شو.
