په سرپل ښار کې د سړک د کانکریټ اچونې پروژې څارنه ترسره شوه
۱۴۴۷/۰۷/۰۹
د سرپل ښار اړوند د حاجي ګدای بای جومات مخې ته د سړک د کانکریټ اچونې د روانې پروژې څخه تخنیکي څارنه ترسره شوه.
د څارنې په مهال څرګنده شوه، چې د چویچو د کانکریټ اچونې چارې نږدې بشپړې شوې دي، خو د سړک د خاورې ایستلو کار لا هم روان دی، په ځینو برخو کې د خاورې ایستل تر اړتیا زیات ترسره شوي او په ځینو نورو برخو کې بیا یا کم ترسره شوي او یا یې اړتیا نه وه، تر اوسه قراردادي شرکت د خاورې ایستلو چارې په بشپړ ډول نه دي بشپړې کړې او کار عملاً په ساحه کې دوام لري.
د یادې پروژې د تطبیق بهیر د کور او ښار جوړولو ریاست د مسلکي ټيم، د ولایت مقام استازو او د تعقیب او نظارت ټیم له لوري په دوامداره توګه تر څارنې لاندې دی. دا مهال په ساحه کې کومه جدي ستونزه نه ده تر سترګو شوې، خو په هغو سیمو کې چې د خاورې ایستل په سمه توګه نه وو ترسره شوي، قراردادي شرکت ته لازمې لارښوونې وشوې تر څو خپلې چارې د بل احجام او تخنیکي مشخصاتو مطابق تنظیم کړي.
د کو راو ښار جوړولو ریاست د زیربنایي پروژو د معیاري تطبیق، د خلکو د شکایتونو د ارزونې او د ساختماني کیفیت د تضمین په موخه د پروژو دوامداره څارنه ترسره کوي.
