په سر پل ولایت کې د یو باب مسجد شریف ودانیزې چارې و څارل شوې
۱۴۴۷/۷/۳
د سرپل ولایت د کور او ښار جوړولو ریاست تخنیکي ټیم د پراختیايي پروژو د څارنې د کمېټې سره په همغږۍ، د سرپل ولایت د اطلاعاتو او کلتور ریاست په انګړ کې د مسجد شریف له ودانیزو چارو څارنه وکړه.
د پروژې تخنیکي او ودانیزې برخې په دقت سره ارزول شوي او د موندنو له مخې، د تهداب کیندنې، د سپلونو سیخ تړلو او کانکریټ اچولو د پایو سیخ تړل د منظور شوې نقشې سره سمون نه درلود.
د نیمګړتیاوو د اصلاح لپاره قراردادي شرکت ته لازمې لارښوونې وشوې، ترڅو یې عملي کړي.
د کور او ښار جوړولو وزارت د هېواد په بېلابېلو ولایتونو کې د دولتي پراختیايي پروژو د کیفیت د تضمین او د ودانیزو معیارونو د مراعات په موخه تخنیکي څارنې ترسره کوي، تر څو پروژې د منظور شوو نقشو، تخنیکي اصولو او نافذه مقرراتو سره سم تطبیق شي.
